إعداد الحلقه:
إسكربت:روني
كريم عادل
هندسة صويتة:م/محمد شرويجه
إسكربت الحلقه
ــــــــــــــــــــــــــــــــــــــــــــــانك تتقبل مشاعرك ومشاعر الاخرين يعمني أي
يعني بقالك سنه عمال تصارع وتعبان جدا ومجهد جدا فاطبيعي السنه ان انتهت بالنتائج اللي انت عايز تفرح واللي حواليك يفرحوا أو انت فرحت واللي حواليك كانوا متوقعين اكتر فافرح ومتاحاولش تغير مشاعرك لو انت حزنت او غضبت او حسيت باي حاجه تجاه النتيجه انك موصلتش لأنت عايزه ادي للمشاعر فرصه دي تيجي احترم مشاعرك
.....................
متبصش حواليك بتكون مؤلمة وفي الاول والاخر انت مش محتاج تسبق حد لان الحياه الاكاديميه كتير جدا مختلفه عن الحياه العمليه كل واحد فينا بيتميز بمهارات مختلفه مش دائما بتبان في الحياه الاكاديميه فانهارده هو اسبق منك وفي وفي متاخرين عنك انت دائما في حته في ناس بعديك وقبليك وركز في الحته اللي انت فيها وركز وركز انك تتفوق علي نفسك ومتفكرش ان حد هياخد فرصك محدش هياثر علي رزقك انت مش محتاج تبص علي حد بص علي نفسك وعيش قصتك انت بس
......................
مش تقعد تشيل هم الحياه دلوقتي مش تقعد تقول لو مدخلتش الكليه اللي انا عايزها فانا مش هشتغل الشغلانه اللي انا عايزها فاهعيش طول عمري اعمل حاجه مش بحبها دي كلها احكام عن المستقبل احنا منعرفهاش
فكر مع نفسك سيبك من اللي فات قول لنفسك اي الخطه البديله اي القرار طب اي العمل طالما النتيجه بتاعتي مش هتوديني للكليه اللي عايزها اي الكليات التانيه اي الحاجات الاقرب ليا ادرس القرار دا كويس اوي لو فضلت تشيل الهم لطول العمره كله هتحس انك مشلول ومش قادر تعمل حاجه فااهتم تشيل هم دلوقتي مش الحياه كلها .

.................
اللي انت خايفه وزعلانه منه دا هو مش شر هو خير انت مش فاهمه هتقولي يعم مجبتش النتيجه اللي انا عايزها انا مخنوق انا مضايق
هقول الخير اللي انت مش فاهمه الله سبحانة وتعالي يقول وعسي تكرهوا شيئاً وهو خير لكم
دائما اللي بيحصلك خير
طب انا قصرت ياروني وأنا بلوم نفسي علي كده مش تجلد ذاتك ونفسك جامد بس اتعلم الدرس ده تعليم الدرس ده في السن اللي انت فيه ده ممكن ينجحك حياتك كلها وتبقي تقفز قفزات في الحياه غير طبيعيه طب انا ياروني اتظلمت وبتاع واجتهدت فعلاً ومدخلتش الكليه اللي عايزها ايوة ربنا سبحانه وتعالي عارف لو دخلت هناك مش هتنبسط ومش هتكمل فيها
فاتذكر دائما اللي مش عاجبك هو مش شر هو خير انت مش فاهمه
..............انا حاسس بيك
مقدر شعورك ولازم تعرف اني مش بشفك عليك لاسمح الله ولكن انا مقدرك انت بالذات مش تحيز ليك برضو ,إن يكون حلم كليه معينه او مجموع
ومجبتش الإتنين فهي نصيب ياصديقي انت ممكن تشوف كلامي مجرد كلام ولكن المرادي خد الكلام افعال يمكن انا سابقك بمرحلة او خطوة فا بقولك كده علشان في ناس فس مرت بظروفك وإحساسك زي وزي غيري


نتيجه الثانويه العامة مش حلوه حقيقي وغريبه جدا ...
وطبيعي جدا تزعل علي مجهودك وتعبك وتعب اهلك معاك وانك كان نفسك تفرحهم ومقدرتش ..
مشاعرك دي صحيه جدا ولازم تزعل لانك تعبت ..
بس متخليش الزعل يكسرك ... انت عملت اللي عليك وضميرك مستريح .. الباقي مش بتاعك ..
لازم تبقي عارف ومتأكد ..
ان ربنا بيرسم احلي خطه تفرحك ..

بس ده يعلم اللي داخل علي الثانويه العامه ..
شويه حاجات ...
اهمها متجيش علي وقت ربنا ادي ربنا وقته هيديك اضعاف ما تتخيل .. بركه في الوقت وفي الفهم والفكر .. ....................................
1- لو طالب واجتهدت وعملت كل اللي عليك يبقي مبروك عليك أي مجموع تجيبه واعرف إن ربنا أكيد رايد لك الخير أكتر في المجموع اللي هتجيبه، لو غشيت اعرف إن ربنا مش هيبارك لك أبدا إن مكانش النهاردة يبقي في الجامعة يبقي في الشغل او في حياتك فما بني علي باطل فهو باطل وإن كنت فلتت من حساب الناس أو ساعدوك فلن تفلت من حساب الله.


2- لو انت ولي أمر وابنك عمل اللي عليه يبقي ألف مبروك علي ابنك وعليك مجموعه أيا كان، بارك لابنك أو بنتك طبعا الكلام يشمل الاتنين، بس البنات أكتر عشان بيحسوا أكتر


3- لو كنت واعد ابنك بهدية هاتها له أيا كان مجموعه ما دام عمل اللي عليه وبذل كل جهده بلاش تكسر بنفسه في اليوم ده بالعكس ده اليوم اللي تقف جنبه فيه لإنه عمره ما هينساه


4- لو انت بقي لا طالب ولا ولي أمر فيا ريت بلاش تتصل بحد تسئله عملت إيه إلا لو العلاقة بينكم تسمح ب ده، وآخرك تبارك وبس، أو تقول ربنا يكتب له الخير وبس، متدخلش بقي في سكة الواعظ والمفروض كان الولد عمل كذا المفروض كنتم عملتم كذا لإن اللي علي البر عوام ونبقي نشوفك انت وابنك هتعملوا ايه وهو في الثانوية او في بقية حياته.
5-متفكرش في الناس هتقول عليك اي دي حياتك ياحبيبي انت اللي هتعيش وهتعمل ذنوبك وترجع تصلحها وهتتحاسب انت يعني مش انا اللي هتحاسب مكان يعني نخلينا في حالنا يعني لاتقول خير لاتسكت العمليه مش ناقصك

6-بلاش تقارن بمجموعك بحد مش علشان انصحك مركزش مع حد لا لا علشان هتتعب نفسياً لو سبت نفسك لنفسك والشيطان هتتدمر اسال نفسك سؤال اللي حصل حصل يعني وانت بعيطك هتغير حاجه انا حاسس بيك ومقدر شعورك وبرضو اللي ايده في المياه البارده مش زي اللي في النار إن شاء الله إن شاء الله
رب العالمين بس قول يارب قول ورايا يارب
...............
اتمني تحب الخير لغيرك ملكش دعوة جاب مجموع أعلي منك وأنت مثلاً كنت شايفه مش ذاكر وانت بتذاكر ولكن انت متعرفش هو كان بيعمل اي مع نفسه او ربنا كرمه علشان والده والدته او اي خير عمله في حياته بينه وبين ربنا سبحانه وتعالي بلاش تحط التفكير دا في دماغك هتتعب صدقني

7-انا بكون مبسوط من الأهالي اللي بتدعم أبنائهم وتبارك ليهم حتي لو المجموع مش كويس بالنسبه للكان عايز يجيبه بلاش ان كل اب وام تقارن بين إبنها وبين حد من القرايب اي يعني جايب 100في الميه اخترع الذره لا هو ولا اخر واحد يجيب المجموع دا ولكن اللي جاب المجموع ده كل التحيه والتقدير لنفسه تعب لما وصل كده بس بوضوح ليكوا بلاش المقارنه والضغط علي الأبناء لان هما فيهم اللي
مكفيهم من التفكير والإحباط اللي ملئ كل واحد فيهم موصلش للمرحله اللي عايزها بس خير خير قسماً بالله خيررررررررررر