'तिमी'

तिमी एक योद्धा हौ
यो पुरै संसार जित्ने सामर्थ्य राख्छौ।

किन पछी हट्छौ?
तिम्रा पाइला त अगाडि चालेर त हेर,
सबै दुश्मन जती तिम्रा पैतला मुनी हुनेछन्।।

तिमी एक योद्धा हौ!
किन दु:खी हुन्छौ?
तिम्रा मित्रताका हात अगाडि बढाएर त हेर,
सबै साथ दिन तयार भई आउनेछन्।।।

तिमी एक योद्धा हौ!
किन शिर निहुराई बस्छौ?
तिम्रो शिर उठाएर त हेर,
सबै तिम्रै स्वाभिमानको गित गाउनेछन्।।।।

त्यसैले त म भन्छु,
तिमी एक योद्धा हौ
यो पुरै संसार जित्ने सामर्थ्य राख्छौ।।।।।