Contacts
Info
GCiencia Podcast é o programa de gciencia.gal. Reportaxes, entrevistas e máis información sobre ciencia e divulgación en Galicia.
7 OCT 2024 · José Rodríguez, máis coñecido como Matemático Rodríguez, é o Científico Galego do Ano 2024. Nado en 1770 na pequena aldea de Bermés, en Lalín, foi brillante e moi recoñecido na súa época. Faleceu en 1824 en Santiago a causa dunha enfermidade descoñecida.
A súa traxectoria científica foi asombrosa. Realizou viaxes por Francia, Reino Unido, Italia, Portugal e Alemaña para ampliar os seus coñecementos. Entre as súas fazañas, axudou a medir coa maior exactitude posible o metro.
Este podcast afonda na figura deste sobranceiro matemático da man da investigadora Carmen Villanueva, autora da primeira tese sobre Rodríguez. Este episodio está producido por GCiencia para a Real Academia Galega de Ciencias. Coa colaboración da Xunta de Galicia, da Universidade de Santiago, do Consello da Cultura Galega e do Concello de Lalín.
22 AUG 2024 · No corazón de Galicia estase a desenvolver unha prometedora tecnoloxía de entrega de fármacos baseada en material xenético. Detrás deste proceso está o equipo de TraffikGene, vinculado co Centro en Química Biolóxica e Materiais Moleculares (CiQUS) da Universidade de Santiago. Neste novo episodio de O podcast de GCiencia falamos co investigador Alberto Fuertes, un dos integrantes do equipo de TraffikGene, sobre os desafíos de deseñar esta nova tecnoloxía.
9 JUL 2024 · O Centro Singular de Investigación en Química Biolóxica e Materiais Moleculares (CiQUS) da Universidade de Santiago (USC) iniciou a súa andaina en 2011. Máis dunha década despois da súa creación xa é un recoñecido centro de excelencia científica dentro e fóra de Galicia. De feito, recentemente renovou a súa acreditación como centro de investigación e obtivo, unha vez máis, a puntuación máis alta.
Neste novo episodio de podcast de GCiencia analizamos da man do director científico, José Luis Mascareñas, e da directora adxunta, Dolores Pérez, cales son as claves do seu éxito.
13 FEB 2024 · Este é o quinto episodio do pódcast Todas as correntes levan ao CIM, un pódcast de Gciencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na ‘Corrente V’ falamos de cambio global e contaminación co investigador Mariano Lastra.
6 FEB 2024 · Este é o cuarto episodio do pódcast Todas as correntes levan ao CIM, un pódcast de Gciencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na ‘Corrente IV’ falamos de acuicultura e xestión sostible dos recursos, utilizando o salmón dos ríos galegos como exemplo, coa investigadora Paloma Morán, catedrática do departamento de Bioquímica, Xenética e Inmunoloxía.
2 JAN 2024 · Este é o terceiro episodio do pódcast 'Todas as correntes levan ao CIM', un pódcast de GCiencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na 'Corrente III' falamos de enerxía eólica mariña e undimortriz así como a súa viabilidade no contexto galego co investigador Xurxo Costoya.
19 DEC 2023 · Este é o segundo episodio do pódcast Todas as correntes levan ao CIM, un pódcast de GCiencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na ‘Corrente II’ falamos de sistemas de alerta temperá e os factores que poñen en perigo a habitabilidade dos ecosistemas mariños galegos co investigador José González Cao, quen desenvolve estes sistemas xunto co seu equipo.
31 OCT 2023 · Estreamos o primeiro episodio de “Todas as correntes levan ao CIM”, un pódcast de GCiencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Neste primeiro capítulo falaremos da biodiversidade e servizos ecosistémicos coa investigadora Beatriz Mouriño, cuxo estudo que liderou resultou gañador do IG Nobel de Física. A investigación demostra que os peixes contribúen á produción de turbulencia e mestura oceánica nas rexións costeiras, polo que o papel que xogan na distribución de calor, nutrientes e osíxeno é máis importante do que se pensaba.
25 OCT 2023 · Que son as comunicacións vía satélite? Como funcionan? Cales son as súas principais vantaxes e inconvenientes? O investigador Fernando Agudo Agelet resolve todas as dúbidas arredor da principal alternativa ás comunicacións terrestres no novo episodio do pódcast de GCiencia en colaboración co Centro de Investigación en Tecnoloxías de Telecomunicación (atlanTTic) da Universidade de Vigo.
26 SEP 2023 · A Internet das Cousas (IoT, polas súas siglas en inglés) é un proceso mediante o que os teus dispositivos se conectan á rede para a transferencia de datos. Non só o teu teléfono móbil, tamén o teu asistente virtual ou a información que ofreces para facer unha compra en liña. Cales son os riscos e beneficios desta hiperconectividade? Como mellora a nosa vida? Como se garanten os nosos dereitos como usuarios? Estas e moitas outras preguntas respondémolas en O teu móbil escóitate? Estas son as tecnoloxías que hai detrás dos teus dispositivos, o novo episodio de pódcast de GCiencia en colaboración con atlanTTic, o Centro de Investigación en Tecnoloxías de Telecomunicación da Universidade de Vigo
GCiencia Podcast é o programa de gciencia.gal. Reportaxes, entrevistas e máis información sobre ciencia e divulgación en Galicia.
Information
| Author | GCiencia Podcasts |
| Organization | GCiencia Podcast |
| Categories | Science |
| Website | www.gciencia.com |
| - |
Copyright 2024 - Spreaker Inc. an iHeartMedia Company
